पारस खड्काको नेतृत्वमा रहेको विराटनगर वारीयर्सलाई ५ विकेटले हराउँदै काठमाडौं किंग्स इलेभेन राजधानीमा जारि एभरेष्ट प्रिमियर लिग (ईपीएल) को क्वालिफारमा प्रवेश गरेको छ।
विराटनगरले दिएको १ सय १ रनको सामान्य लक्ष्य पक्ष्याएको काठमाडौंले १७.५ ओभरमा ५ विकेटको क्षतिमा १ सय ६ रन बनाउँदै क्वालिफायरमा ललितपुर प्याट्रीयट्ससँगको भेट पक्का गरेको हो।
त्यस्तै हारसँगै साविक विजेतासमेत रहेको विराटनगर समूह चरणबाटै बाहिरिएको छ। विराटनगरलाई नेट रन रेटमा पछि पछि पार्दै चितवन टाइगर्सले प्ले अफमा स्थान सुरक्षित गरेको हो। चितवनले बुधबार एलिनिमेटर खेल भैरहवा ग्याडीयर्टससँग खेल्ने छ।
सोमबार कीर्तिपुरस्थित टियू क्रिकेट मैदानमा कमजोर ब्याटिङ गर्दै विराटनगरले दिएको १०१ रनको लक्ष्य काठमाडौंले ५ विकेट गुमाउँदै १७.५ ओभरमा पुरा गर्यो।
काठमाडौंलाई जिताउन आइरिस खेलाडी केबिन ओब्राइनले ४५ रन बनाए। यस्तै प्रदिप साहुले २१ रन बनाउँदा अमित श्रेष्ठले १४ रन बनाए।
विराटनगरका लागि कप्तान पारस खड्का र रोइलोफ् भान डेर मेर्वेले २-२ विकेट लिए पनि विराटनगरलाई जिताउन सकेनन्।
यसअघि टस हारेर पहिले ब्याटिङ गरेको विराटनगर १७ ओभर ५ बलमा १०० रनमा अलआउट भएको थियो।
जित्नै पर्ने लक्ष्यमा रहेको विराटनगरका लागि सुमित महर्जनले २५, हरि चौहानले २२ तथा कप्तान पारस खड्काले २१ रन बनाउनुबाहेक अन्यले राम्रो खेल्न सकेनन्।
काठमाडौंका लागि बलिङमा केभिन ओब्राइनले तीन तथा प्रविन शाहु र विक्रम भुषालले दुई-दुई विकेट लिए।