राजधानीमा जारी एभरेष्ट प्रिमियर लिगमा भैरहवालाई ७ विकेटले हराउँदै काठमाडौं किंग्सले प्लेअफमा पुग्न सफल भएको छ।
लिग अन्तर्गत शनिबार भएको पहिलो खेलमा भैरहवाले दिएको १५० रनको लक्ष्यलाई ३ विकेटको क्षतिमा काठमाडौंले १९.१ ओभरमा भेट्टायो।
टस जितेर फिल्डिङ रोजेको काठमाडौंले आफ्नो ४ खेलमा ३ खेलमा जित हासिल गरेको छ भने १ खेल मात्र हारेको छ।
काठमाडौंका अमित श्रेष्ठले अर्धशतक (५१ रन) बनाउन सफल भए। त्यस्तै रोहन मुस्ताफाले ३६ रन, केभिन ओ ब्राइनले ३३ रन लिन सफल भए।