राजधानीमा जारी एभरेष्ट प्रिमियर लिग (इपिएल) मा ललितपुर प्याट्रिओट्सबाट खेल्ने भारतीय खेलाडी गौरव तोमर कारबाहीमा परेका छन्।
खराब बलिङ एक्सनका कारण आयोजकले तोमरलाई बाँकी खेलमा बलिङ गर्न नपाउने गरी कारबाही गरेको हो।
यसअघिको खेलमा नियमविपरित बलिङ गरेको प्रमाणित भएको भन्दै आयोजकले उनलाई बाँकी खेलमा बलिङ गर्न नपाउने निर्णय गरेको आयोजकले जनाएको छ।
तोमारले यसअघि खेलेका खेलमा दुई फरक फिल्ड एम्पायर जोडीले गैरकानुनी बलिङ रिपोर्ट गरेका थिए।
उक्त रिपोर्टलाई इपीएलको टेक्निकल कमिटिले भिडियो हेर्दै एनालिसिस गरेपछि उनको बलिङ इलेगल भेटिएको र कारवाही गरिएको आयोजकले मंगलबार एक विज्ञप्ति जारी गर्दै जनाएको छ।
यस्तै आजै विराटनगर वारियर्स विरुद्ध खेलेका पोखरा राइनोजका सुबेन्दु पाण्डेलाई पनि आयोजकले कारबाही गरेको छ।
एम्पायरको निर्णयविरुद्ध असन्तुष्टि जनाउँदै नियम तोडेको आरोपमा पाण्डेलाई म्याच फि को १० प्रतिशत जरीवाना लगाउँदै एक पोइन्ट घटाउने निर्णय भएको आयोजकले जनाएको छ।
विराटनगर विरुद्धको खेलमा अम्पायरले आउट दिँदा असन्तुष्टी जनाएकोले खेल भावना विपरित भएको भन्दै उनलाई कारबाही गरेको आयोजकले जनाएको छ।
