राजधानीमा जारी एभरेष्ट प्रिमियर लिग अन्तर्गत सोमबारको दोस्रो खेलमा भैरहवा ग्लाडियटर्सले चितवन राइनोजलाई हराएको छ।
टस जितेर फिल्डिङ रोजेको चितवनले भैरहवाले दिएको १४४ रनको लक्ष्यलाई पछ्याउँदै निर्धारित २० ओभरमा १३१ मात्र रन बनाउन सक्यो।
आफ्नो दोस्रो खेलमा भैरहवाले ४ अंक जोड्न सफल भएको छ। योसँगै भैरहवा लिगको दोस्रो स्थानमा उक्लिन सफल भएको छ।
यो चितवनको तेस्रो हार हो। यसअघि, पहिलो खेलमा ललितपुर र दोस्रो खेलमा काठमाडौंसँग चितवन पराजित भएको थियो ।
