विराटनगर वारीयर्सले पोखरा राइनोजलाई सुपर ओभरमा हराएको छ।
राजधानीमा जारी एभरेष्ट प्रिमियर लिग (ईपीएल) अन्तर्गत मंगलबारको पहिलो खेल बराबर भएपछि खेलिएको सुपर ओभरमा विराटनगरले २० रन जोड्दा पोखरा १३ रनमा समेटियो।
विराटनगरका लागि करण केसी एक्लैले २० रन बनाउँदा पोखराका रिचर्ड लेभीले ३ बल खेलेर २ रन बनाए भने बिनोद भण्डारीले ३ बलमा ११ रन बनाए।
त्यसअघि दुवै टोलीले आफ्नो इनिङसमा समान ८४-८४ रन जोडेपछि खेल सुपर ओभरमा पुगेको थियो।
पहिलो ब्याटिङ गरेको पोखराले निर्धारित २० ओभरमा ७ विकेट गुमाउँदै ८४ रन जोड्यो। यता विराटनगर पनि १९.३ ओभरमा अलआउट हुनुअघि ८४ रन मात्र बनाउन सक्यो।
सुपर ओभरमा विराटनगरका लागि करण केसी र पारस खड्का ब्याटिङमा आएका थिए। पोखराका पल कोग्लिनको बलिङमा करणले तेस्रो र पाँचौ बलमा छक्का प्रहार गर्दा बाँकी सबै बलमा २-२ रन लिएका थिए।
जवाफी ब्याटिङमा पोखराका रिचार्ड लेभी र विनोद भण्डारी ब्याटिङमा आए।
विराटनगरका रोलफ भान डर मर्वले कसिलो बलिङ गर्दै १३ रन मात्र खर्चिए। लेभीले ३ बलमा २ रन बनाउँदा बाँकी ३ बलमा भण्डारीले ११ रन बनाए।
त्यसअघि ८५ रनको सामान्य लक्ष्य पछ्याएको विराटनगरका लागि आरिफ शेखले सर्वाधिक १९ रन बनाए। करन केसीले १५ रन बनाउँदा बाँकीले खुलेर खेल्न सकेनन्।
विराटनगरका कप्तान पारस खड्काले १ रन बनाउँदा अनिल कुमार शाह शून्यमा आउट भए।
यस्तै स्मीत पटेलले ८ रन जोड्दा रोलफ भान डर मर्वलाई ११ रनमा आउट भए।
रबिन क्षेत्री र हरि चौरानले समान १२-१२ रन बनाए।
पोखराका लागि विपिन खत्रीले ३, शुसन भारी, पल कोग्लिन र बिक्रम सोवले समान दुई-दुई विकेट लिए । शक्ति गौचनले १ विकेट लिए ।
यसअघि कीर्तिपुरस्थित टीयू क्रिकेट मैदानमा टस हारेर पहिला ब्याटिङ गरेको पोखराले २० ओभरमा ७ विकेट गुमाउँदै ८४ रन मात्र बनाउन सक्यो।
पोखराका लागि कप्तान काइल कोट्जरले ४ रन मात्र बनाउँदा सुबेन्दु पाण्डे डक आउट भए।
बिस्फोटक ब्याट्मेन रिचर्ड लेभी ४ आउट हुँदा विनोद भण्डारी १ रनमै पेबेलियन फर्किए।
पल कोग्लिनले सर्वाधिक २० रन बनाउँदा शुसन भारी ७ तथा र राजेश पुलामी मगर १७ रन बनाए। शक्ति गौचनले ३ रन बनाउँदा बिक्रम शोब ५ रनमा नटआउट रहे।
विराटनगरका लागि पल भान मिकरेनले ३ विकेट लिँदा रोलफ भान डर मर्वले २ विकेट लिए।
सन्नी पटेलले र बसन्त रेग्मीले समान १-१ विकेट लिए।
यो सँगै पोखराका लागि अघिल्लो चरण प्रवेश सम्भावना कठीन बनेको छ।