भारतलाई ४ रनले हराउँदै तीन खेलको टी २० सिरिजमा अष्ट्रेलियाले विजयी सुरूवात गरेको छ।
अष्ट्रेलियाले दिएको १७४ रनको लक्ष्य पछ्याएको भारतले निर्धारित १७ ओभरमा ७ विकेट गुमाउँदै १६९ रन मात्र बनाउन सक्यो।
वर्षाले प्रभावित खेललाई १७ ओभरमा झारिएको थियो। अष्ट्रेलियाको बिरिसवाने क्रिकेट मैदानमा टस हारेर पहिले ब्याटिङ गरेको अष्ट्रेलियाले १७ ओभरमा ४ विकेट गुमाउँदै १५८ रन बनाएको थियो।
उसका लागि ग्लेन म्याक्वेलले सर्वाधिक ४६ रन जोडे। यस्तै क्रिश लिनले ३७ तथा मार्कस स्टोनिसले ३३ रनको योगदान दिएका थिए।
भारतका लागि कुलदिप यादवले दुई विकेट लिए।
डिएल नियम अनुसार १७ ओभरमै १७४ रनको नयाँ लक्ष्यसहित मैदानमा आएको भारतका लागि शिखर धवनले ७६ रन बनाए पनि टोलीलाई जिताउन सकेनन्।
४२ बल खेलेका धवनले १० चौका र २ छक्का हिर्काएका थिए। दिनेश कार्तिकले ३०, ऋषव पन्तले २० तथा के एल राहुलले १३ रन बनाउनुबाहेक अन्य भारतीय खेलाडीले दोहोरो रनको स्कोर छुन सकेनन्।
अष्ट्रेलियाका जाम्पा र स्टोनिसले २-२ विकेट लिए।
योसँगै अष्ट्रेलियाले तीन टी-२० खेलको सीरीजमा १-० को अग्रता लिएको छ।