न्यूजिल्याण्डलाई हराउँदै अष्ट्रेलिया टी-ट्वान्टी महिला विश्वकपको सेमिफाइनलमा प्रवेश गरेको छ।
बुधबार राति समूहको आफ्नो तेस्रो खेलमा न्यूजिल्याण्डलाई ३३ रनले हराउँलै समूहमा बीमा लगातारा तेस्रो जित निकाल्दै अष्ट्रेलिया एक खेल अगाडि अन्तिम चारमा प्रवेश गरेको हो।
अष्ट्रेलियाको जितमा एलीसा हेलीले सर्वाधिक ५३ रनको अर्धसतकीय पारी खेल्दा मेगन शटले ३ ओभर बलिङ गर्दै १२ रन खर्चिएर ३ विकेट लिइन्।
समूहमा लगातार तेस्रो जित निकालेको अस्ट्रेलिया ६ अंक सहित समूहकफ शीर्ष स्थानमा छ।
टस जितेर पहिले ब्याटिङ गरेको अष्ट्रेलियाले निर्धारित २० ओभरमा ७ विकेट गुमाउँदै १५३ रन बनाएको थियो। जवाफी लक्ष्य पछ्याएको न्यूजिल्याण्ड १७.३ ओभरमा लआउट हुँदै १२० रनमा समेटियो।
न्यूजील्याडका लागि सुजी बेट्सले सर्वाधिक ४२, केटी मार्टिनले २४ तथा लेघ कास्पेरेकले १२ रन बनाए। बाँकी खेलाडीले दोहोरो रनको स्कोर छुन सकेनन्।
आस्ट्रेलियाकी शटबाहेक सोफी मोलिनुक्स र डेलिसा किमिन्सेले २-२ विकेट लिए।
यसअघि हेलीको अर्धशतकसँगै बेथ मुनीले २६ तथा राकिएल हेयन्सले नटआउट २९ रन बनाएपछि अष्ट्रेलियाले २० ओभरमा ७ विकेट गुमाउँदै १५३ रन बनाएको थियो।
