नेपाली राष्ट्रिय क्रिकेट टोलीका युवा लेग स्पिनर सन्दीप लामिछानेले युएईमा जारी अफगानिस्तान प्रिमियर लिग (एपीएल) क्रिकेटको डेब्यू खेलमा दुई विकेट लिँदै उत्कृष्ट सुरूवात गरेका छन्।
एपीएल टिम नगरहर लिओपार्डसबाट खेलेका सन्दीपले आइतबार राति पक्टिया प्यान्थर्सविरुद्धको खेलमा मैदान उत्रदै एपीएलमा डेब्यु गरेका हुन्। उनले डेब्यु खेलमा दुई विकेटसमेत लिए।
युएईको शारजाहमा सन्दीपले क्यामरोन डेल्पोर्टलाई ६ तथा सिकन्दर राजालाई शून्य रनमा पेभेलियन फर्काए। सन्दीपले ४ ओभर बलिङ गर्दै २३ रन खर्चेर २ विकेट लिए। यद्यपी सन्दीपको टोली ७ विकेटले पराजित भयो ।
लिओपार्डसले दिएको १२७ रनको लक्ष्यसहित जवाफी ब्याटिङ गरेको प्यान्थर्सले १४ ओभर ४ बलमा मात्र ३ विकेट गुमाएर लक्ष्य पुरा गरेको थियो।
प्यान्थर्सका कप्तान मोहमद शाहजादले अविजित ७८ रन जोडेका थिए। यस्तै इह्सनुल्लाह जनतले २५ तथा समिउल्लाह शेनवारीले अविजित १९ रन जोड्दै पक्टिया प्यान्थर्सलाई दोस्रो स्थानमा पुर्याए। लिओपार्डसका सन्दीपले २ विकेट लिँदा मुजिब उर रहमानले एक विकेट लिए।
यसअघि टस जितेर पहिले ब्याटिङ गरेको लिओपार्डसले पुरै २० ओभरमा अलआउट हुँदै १२६ रन जोडेको थियो। लिओपार्डसका रहमत साहले ३२ तथा जोनसन चार्ल्सले २२ रन जोडे । कप्तान बेन कटिङले २१ रन जोड्दा सन्दीपले पनि ब्याटिङको मौका पाएका थिए। उनी शून्य रनमा अविजित रहे।
लिओपार्डसलाई सस्तैमा समेट्न प्यान्थर्सका जिउर रहमानले ३ विकेट लिए। त्यस्तै इस्रु उडाना र साहिद अफ्रिदीले समान २/२ विकेट लिए ।
जितसँगै प्यान्थर्स ६ खेलबाट ८ अंक जोडेर लिगको दोस्रो स्थानमा उक्लिएको छ। पराजित लिओपार्डस ७ खेलबाट ४ अंक जोडेर चौथो स्थानमा कायमै छ। अब लिओपार्डसले समूह चरणको अन्तिम खेलमा बल्ख लिजेन्ड्ससँग खेल्नेछ।
मलेसियामा सम्पन्न आईसीसी विश्व टी-ट्वान्टी एसिया छनोट समूह 'बी' खेलेर सन्दीप त्यहिँबाट युएई पुगेका थिए ।
आइपीएलमा २० लाख भारू आर्थात नेपाली ३२ लाख रुपैयाँबाट अन्तर्राष्ट्रिय लिगमा ब्यवसायीक क्रिकेट खेलेका सन्दीपलाई अन्तर्राष्ट्रिय लिग प्रतियोगिात खेल्न भ्याइ नभ्याई रहेको छ।
आईपीएलपछि ग्लोबल टी–२० क्यानडामा ४० हजार अमेरिकी डलर अर्थात नेपाली ४३ लाख २० हजारमा खेलेका थिए । क्यानडा प्रिमियर लिगपछि वेस्ट इन्डिजमा क्यारेवियन प्रिमियर लिगमा (सीपीएल) ५ हजार अमेरिकी डलर अर्थात ५ लाख ४० हजार लाख पारिश्रमीक पाएका थिए ।
अफगानिस्तानप्रिमियर लिग (एपीएल) १५ हजार अमेरिकी डलर अर्थात १७ लाख २५ हजारमाअनुबन्ध भई सकेका सन्दीपलाई केरला ले ३० हजार अमेरिकी डलर अर्थात झण्डै ३५ लाखमा अनुबन्ध गरेको छ।