दुबईमा जारी एसिया कप क्रिकेटको सुपर फोर खेलमा भारत अफगानिस्तानसँग बराबरी रोकिएको छ।
पहिले ब्याटिङ्ग गरेको अफगानिस्तानले भारतलाई २५३ रनको लक्ष्य दिएको थियो। उसले सो लक्ष्य निर्धारित ओभरमा ८ विकेट गुमाउँदै बनाएको थियो ।
सो लक्ष्य पछ्याएको भारतले भारतले ४९ ओभर पाँच बलमा २५२ रन बनाएपछि खेलमा बराबरी भएको हो । अफगानिस्तानले उत्कृष्ट बलिङ्ग र ब्याटिङ्ग गर्दै भारतसँग सो नतिजा निकाल्न सफल भएको हो ।
जवाफी ब्याटिङमा उत्रेको भारतले खेलको सुरूवात राम्रो गरेको थियो। पहिलो विकेटका लागि भारतका लागि ओपनर आम्बाटि रायुडू र के.एल राहुलले ११० रनको साझेदारी गरेका थिए ।
खेलको १७ ओभर १ बलमा मोहमम्द नाबीको बलमा नजीबुल्ला जद्रानले रायुडुलाई क्याच आउट भए। रायूडुले ४९ बलमा समान ४ चौका र छक्का प्रहार गर्दै ५७ रन बनाए ।
त्यसपछि भारतको ब्याटिङक्रम धरापमा पर्न थाल्यो।
राहुल रसिद खानको एलपि डब्लुको शिकार हुँदै पेभेलियन फर्किए। ६० रन बनाएर उनी आउट भएपछि भारतको विकेट लगातार पतन हुनथाल्यो ।
भारतका लागि अन्य ब्याटम्यान दिनेश कात्तिकले ६६ बलमा ४ चौकाको सहयोगमा ४४,केधार जाधव १९, रविन्द्र जडेजा २५,दिपक चाहर १२, कुलदिप यादव ९,महेन्द्र सिंह धोनी र मनिस पाण्डेले समान ८ रन बनाए ।
१७.१ ओभरमा ११०–१ स्थितिमा रहेको भारत ४९ औ ओभरमा २४६–९ को स्थितिमा पुगेको थियो । भारतको यो अवस्थाले अन्तिम ओभर निक्के रोचक बन्यो। दुबै टोलीका ललागि यो ओभर जीतका लागि गर र मरको अवस्था थियो।
जितका लागि भारतलाई अन्तिम ओभरमा ७ रन चाहिएको थियो ।
सो ओभरमा बलिङ गर्ने आएका रसिद खानले रविन्द्र जडेजालाई पहिलो बल डट बल फ्याँके। उनको दोश्रो बललाई जडेजाले चौकामा परिणत गरिदिए। तेस्रो र चौथो बलमा १/१ रन बन्यो।
खेलमा दुई बलबाँकी थियो तर पाचौँ बलमा जडेजालाई रसिदले आउट गरे र खेल बराबरीमा रोकिन पुग्यो ।
मोहमम्द नाबी,रसिद खान र अफ्तव आलमले समान भारतको समान दुई विकेट लिए ।
यसअघि दुबईमा टस जितेर पहिला ब्याटिङ गरेको अफगानिस्तानले निर्धारित ५० ओभरमा ८ विकेटको क्षतिमा २५२ रन बनाउन सक्यो । खेलमा ओपनर सहजाद र जावेद अहमदीले उत्कृष्ट सुरुवात गरेका थिए ।
सहजाद र जावेदले पहिलो विकेटको रुपमा १० ओभरमा ६३ रन को साझेदारी गरे ।
पहिलो विकेटका रुपमा अहमदी १२ ओभर ४ बलमा ५ रन रहेको अवस्थामा रविन्द्र जडेजाको बलका महेन्द्र सिंह धोनीको स्टिमपिङबाट आउट हुनपुगेका थिए।
त्यसपछि रमात शाह १४ ओभर ४ बलमा जडेजाकै शिकार हुदैँ ३ रनमा पेभिलिएन फर्किदा १५ ओभर २ बलमा हस्मतुल्लाह शाहिदी र ३ बलमा कप्तान अस्गर अफ्घानीलाई कुलदीप यादवले ० रनमा बाहिरिए ।
सो खेलमा सहजादले ११६ बलमा ७ छक्का र ११ चौका प्रहार गर्दै उत्कृष्ट १२४ रनको शतकिय पारी खेले । उनी केधार जाधवको बलमा दिनेश कात्तिकको हातबाट क्याच आउट हुनपुगेका थिए ।
त्यस्तै महोम्मद नाबीले ५६ बलमा ३ चौका र ४ छक्का प्रहार गर्दै ६४ रन बनाउँदा अफगानिस्तानका जद्रान २०, गुल्बदीन नाइब १५,अफ्तब आलम २ जोडे भने रसिद खान १२ रनमा नट आउट रहे ।
भारतकालागि रविन्द्र जडेजा ३,कुलदीप यादव २ लिदाँ केधार जाधव,खलील अहमद र दिपक चाहरले समान १ विकेट खसालेका थिए ।
बराबरीसँगै अफगानिस्तानका लागि यस सस्करणको एसिया कप यात्रा सकिएको छ । घर फर्किएको अफगानिस्तानले समुह चणमा बंगलादेशलाई १३६ र श्रींलकालाई ९१ रनले पराजित गर्दै सुपर फोरमा प्रवेश गर्नु उसको लागि ज्यादै उपलब्धिपूर्ण रह्यो ।
सुपरफोरमा पाकिस्तानसँग ३ विकेट र बंगलादेशसँग ३ रनले पराजित भएपछि सुपर फोरबाटै बाहिरिएको हो।