चोटका कारण एसिसी एसिया कप क्रिकेट प्रतियोगिताबाट भारतका तीन खेलाडी बाहिरिएका छन्।
दुई बलरहरु अक्षर पटेल र शार्दूल ठाकुरको साथमा अलराउन्डर हार्दिक पाण्ड्या घाइते भएपछि बाहिरिन पुगेका हुन्। उनीहरूले एसिया कपका बाँकी खेलहरू खेल्ने छैनन्।
पाण्ड्या बुधबार राति भएको पाकिस्तानविरुद्धको खेलमा घाइते भएका हुन्। उनलाई ढाडमा चोट लागेको छ। उनको स्थानमा दीपक चाहरले खेल्नेछन्।
अक्षर पटेल पनि औलामा चोट लागेकाले टिमबाट बाहिरिन पुगेका हुन्। पटेल रविन्द्र जडेजाको स्थानमा टिममा समावेश भएका थिए। जडेजाले विगत एक वर्षदेखि चोटका कारण खेल्न सकेका छैनन्।
त्यस्तै शार्दूल ठाकुर पनि हङकङ विरुद्धको खेलमा घाइते भएका थिए। उनको स्थान सिदार्थ कौलले लिनेछन्।
भारतले एसिया कपका सुरुवाती २ खेल्दै सुपर–४ मा स्थान बनाएको छ।