इंग्ल्याण्ड विरूद्ध भारत, टेस्ट शृङ्खला– तेस्रो टेस्ट, ट्रेन्ट ब्रिज
इंग्ल्याण्डविरूद्ध पाहुना टोली भारतले तेस्रो टेस्टको दोस्रो पारीमा पनि उत्कृष्ट प्रदर्शन गरेको छ।
पहिलो पारीमा ३२९ रन बनाएको भारतले दोस्रो पारीमा सात विकेट गुमाएर ३५२ दुई रन बनाउँदै पारी समाप्तीको घोषणा गर्यो।
भारतका लागि दोस्रो पारीमा कप्तान विराट कोहलीले शतकीय इनिङ्स खेले। उनले १९७ बलमा १० चौकासहित १०३ १०३ रन बनाए। चेतेश्वर पुजाराले २०८ बलमा ७२ रन बनाउँदा हार्दिक पाण्डेयले ५२ रनमा नटआउट रहे।
ओपनर शिखर धवनले ४४ तथा केएल राहुलले ३६ रन बनाएका थिए। अजिन्क्या रहाणेले २९ रन बनाउँदा पहिलो पारीमा राम्रो खेलेका ऋषभ पन्त १ रनमा आउट भए।
दोस्रो पारीमा इंग्ल्याण्डका आदिल रशिदले तीन विकेट लिँदा बेन स्टोक्सले २ तथा ओक्स र एन्डर्सनले १-१ विकेट लिए।
पहिलो पारीमा भारतीय कप्तान कोहलीले ९७ तथा अजिन्क्या राहाणेले ८१ रन बनाएका थिए।
भारतले दिएको ५२१ रनको लक्ष्यसहित सोमबार नै दोस्रो पारीको ब्याटिङ सुरू गरेको घरेलु टोली इंग्ल्याण्डले दिनको खेल सकिँदा बिना विकेट क्षतिमा २३ रन बनाएको छ।
भारतका हार्दिक पाण्डेयले पाँच विकेट लिँदाद पहिलो पारीमा इंग्ल्याण्डले सबै विकेटको क्षतिमा मात्रै १६१ रन बनाएको थियो।
लगातार दुई हारसहित भारतीय टोली पाँच टेस्टको शृङ्खलामा २–० ले पछि छ।
पहिलो टेस्टमा ३१ रनले हारेको भारत दोस्रो टेस्टमा एक पारी र १५९ ले पराजित भएको थियो।
