युरोप टुरमा रहेको नेपाली राष्ट्रिय क्रिकेट टोलीले पहिलो अभ्यास खेलमा उत्कृष्ट ब्याटिङ गरेको छ।
बेलायतको ह्याम्पसायर हग्स क्रिकेट क्लबविरुद्ध शनिबारको पहिलो अभ्यास खेलमा कप्तान पारस खड्काको शतकीय प्रदर्शनमा ३६२ रन बनाएको हो।
पहिले ब्याटिङ गरेको नेपालले निर्धारित ५० ओभरको खेलमा सबै विकेट गुमाउँदै ३६२ रन बनायो। नेपालका लागि कप्तान पारस खड्काले सर्वाधिक १६१ रन बनाए। तेस्रो नम्बरमा ब्याटिङमा आएका खड्काले १०६ बल खेलेका उनले १९ चौका र ७ छक्का प्रहार गरेका थिए।
दुबै ओपनर सस्तैमा गुमाएको नेपालका लागि ओपनर ज्ञानेन्द्र मल्ल ५ र सुवास खकुरेल ११ रनमा आउट भएका थिए।
सरद भेसवाकरले १४ रन बनाउँदा रोहित कुमार पौडेलले ४४ र दीपेन्द्रसिंह ऐरीले ३७ रन जोडेका थिए।
यसबाहेक करण केसीले १८, सन्दीप लामिछाने र ललित भण्डारीले समान १६ रन बनाए भने सुवास खकुरेलले ११ रन जोडेका थिए। ललित नारायण राजबंशी ५ रनमा नटआउट रहे।
एचएचसीसीका लागि मिल्स कभर्स र जोनले ३-३ तथा जेम्स ग्रीनले २ विकेट लिएका थिए।
