सचिन तेन्दुलकरका छोरा अर्जुनले आफ्नो पहिलो अन्तर्राष्ट्रिय विकेट लिएका छन्। अर्जुन तेन्दुलकरले आफ्नो अन्तर्राष्ट्रिय करियरमा पहिलो विकेट श्रीलंकाविरूद्धको टेष्टमा लिएका हुन्।
अर्जुनले श्रीलंकासँगको टेस्ट खेलमा कामिल मिसारालाई एलबीडब्ल्यू आउट गराउँदै पहिलो विकेट लिए।
अर्जुनले खेलको तेस्रो ओभरमा विकेट लिएका हुन्। अर्जुनले यो खेलमा ११ ओभर बलिङ गर्दै २ मेडनसहित ३३ रन खर्चिएर १ विकेट लिए।
प्रतियोगितामा हर्ष त्यागी र आयुश बदोनीले समान ४-४ विकेट लिएका थिए। यो सँगै श्रीलंका पहिलो दिन २४४ रनमा अल आउट भयो।
श्रीलंकाको जवाफी स्कोर पछ्याएको भारतले पहिलो दिनको खेल सकिँदा १ विकेट गुमाएर ९२ रनमा खेलिरहेको छ।
१८ वर्षीय अर्जुन तिब्र बलिङका साथै ब्याटिङ पनि गर्छन्।
अर्जुनको यो सफलतालाई सामाजिक सञ्जालमा धेरैले बधाई समेत दिएका छन्।
भारतीय युवा क्रिकेट टिम पाँच एकदिवसीय र दुई टेस्ट म्याचका लागि श्रीलंकाको भ्रमणमा छ।