संयुक्त अरब इमिरेट्स युएई क्रिकेट टिमका कप्तान रोहन मुस्ताफा इपिएल टिम काठमाडौंसँग आबद्ध भएका छन्। मुस्ताफा काठमाडौं किंग्स इलाभेनमा आबद्ध भएको सोमबार क्लबले एक विज्ञप्ति जारी गर्दै जानकारी दिईएको हो।
आगामी मंसिरमा हुने इपिएल क्रिकेटका लागि काठमाडौंमा आबद्ध भएका मुस्ताफा दोस्रो विदेशी खेलाडी हुन्।
यसअघि आयरल्यान्डका अलराउन्डर केभिन ओब्रेन पनि काठमाडौं किंग्स इलाभेनमा आबद्ध भएका थिए।
यद्यपी दुबै खेलाडीको सम्झौता रकम भने खुलाइएको छैन।