इंल्याण्डले अष्ट्रेलियासँगको पाँच एक दिवसीय क्लिन स्वीप गरेको छ। आइतबार राति अष्ट्रेलियासँग भएको अन्तिम खेलमा १ विकेटको रोमाञ्चक जित निकाल्दै शृंखला क्लिन स्वीप गरेको हो।
अष्ट्रेलियाले दिएको २०५ रनको लक्ष्य इंल्याण्डले ९ बल बाँकी छँदै पुरा गर्यो। इंल्याण्डको जितमा जोश बटलरले उत्कृष्ट पारी खेल्दै नटआउट ११० रन बनाए। अष्ट्रेलियाका बिलि स्टानलाके र केन रिचर्डसनले ३-३ विकेट लिए पनि क्लिन स्वीप जोगाउन सकेनन्।
कुनै समय ५० रनमा पाँच विकेट गुमाएको इंल्याण्डले ११४ रन बनाउँदा ८ विकेट गुमाएको थियो। यस्तो अवस्थामा इंल्याण्डले खेल जित्ने भन्ने कुरा सायद कमैले मात्र सोचेका थिए होलान्।
तर २०९ रनको लक्ष्य पछ्याएको इंल्याण्डले ९ बल बाँकी छँदै १ विकेटको जित निकाल्यो।
स्टान्लाकेको नेतृत्वमा रहेको अस्ट्रेलियाली बलरले इंग्ल्याण्डलाई २०६ रनको लक्ष्य मुस्किल बनाएका थिए। एक एक गर्दै राम्रा-राम्रा ब्याट्समेन आउट भएपछि खेल अष्ट्रेलियाको पक्षमा गएको थियो।
तर छैठौं नम्बरमा ब्याटिङमा आएका जोश बटलरले उत्कृष्ट पारी खेल्दै टिमलाई जिताए। इंग्ल्याण्डको जितमा बटलरले नवौ विकेटका रूपमा मैदानमा आएका आदिल राशिदले राम्रो साथ दिए। नवौ विकेटका लागि ८१ रनको साझेदारी गरेका राशिद २० रनमा आउट भएपछि इंग्ल्याण्डलाई जीतका लागि ११ रनको आवश्यकता थियो।
राशिद आउट हुनासाथ छक्का प्रहार गर्दै बटलरले आफ्नो सतक पुरा गरे। अब खेल जित्न अन्तिम विकेटमा ५ रन बाँकी थियो। अन्तिम ब्याट्समेन् ज्याक बलले ४७औं ओभरमा मेडन ओभर सामना गर्दै विकेट बचाए र आवश्यक पाँद्व रनको लागि बटलरलाई जिम्मेवारी दिए। तीन विकेट लिइसकेका केन रिचर्ड्सनको ४८औं ओभरको पहिलो बलमा बटलर एक रन लिए। त्यसपछि लगातार चार बलसम्म बलले रन लिन सकेनन्। ओभरको पाँचौ बलमा १ रन लिएर बटलरलाई छोडिदिए। त्यसपछि अन्तिम बलमा १ न लिँदै बटलरले स्ट्याइक लिए।
४९औं ओभर लिएर आएका स्टोनिसको दुई बल बटलरले खेल्न सकेनन्। तेस्रो बलमा चौका प्रहार गर्दै टिमलाई रोमाञ्चक जित दिलाए। यो सागै इंग्ल्याण्डले सिरिज ५-० ले कब्जा गर्यो।
आफ्नो वानडे इतिहासमै इंग्ल्याण्डले दोस्रो पटक पाँच म्याचको सिरीजमा क्लीन स्वीप गरेको हो। यसअघि पनि उसले अष्ट्रेलियालाई नै ५-० ले हराएको थियो।
बटलरले १२२ बलमा १२ चौका र १ छक्कासहित नटआउट ११० रन बनाए।