इंग्ल्याण्डले अन्तर्राष्ट्रिय एक दिवसीय क्रिकेटको एकै खेलमा सर्वाधिक स्कोर बनाउने कीर्तिमान बनाएको छ। अष्ट्रेलिया विरूद्ध भइरहेको तेस्रो एक दिवसीयमा पहिले ब्याटिङ गर्दै इङ्ल्याण्डले ६ विकेट गुमाएर ५० ओभरमा ४८१ रन बनायो।
योसँगै दुई वर्षअघि पाकिस्तानविरुद्ध आफैले बनाएको ४४४ रनको कीर्तिमानसमेत तोडेको छ।
इंग्ल्याण्डका लागि दुई खेलाडीले शतक प्रहार गरेका छन्। ओपनर जोनी ब्रेस्ट्सवो र एलेक्स हाल्सले शतक प्रहार गरेका हुन्। ब्रेस्ट्सवोले ९२ बलमा १३९ रन बनाएका हुन् भने हाल्सले समान ९२ बल खेलेर १४७ रन बनाए।
यस्तै कप्तान इयान मोर्गेनले सबैभन्दा छिटो अर्धशतक प्रहार गर्दै ३० बल खेलेर ६७ रन बनाए। २१ बलमा अर्धशतक उनी सबैभन्दा छिटो हाफ सेन्चुरी बनाउने इङ्लिस खेलाडीसमेत बने।
अष्ट्रेलियाका लागि कन रिचर्डसनले ३ विकेट लिएका थिए।
