अफगानिस्तानको डेब्यु टेष्ट क्रिकेटमा भारतले फराकिलो अन्तरको जित हात पारेको छ।
पहिलो टेष्ट खेलमा दुई दिनमै जित निकालेको भारतले अफगानिस्तानमाथि इनिङ्स र २ सय ६२ रनले विजयी भएको हो। टेष्ट क्रिकेटमा अहिलेसम्मकै सबैभन्दा ठूलो जित निकाल्ने क्रममा भारतले एकै दिनमा अफगानिस्तानको दुवै इनिङ्सलाई ध्वस्त बनायो ।
यो जित टेष्ट क्रिकेटमा भारतको अहिले सम्मकै ठुलो अन्तरको जित हो।
यसअघि भारतले सन् २००७ मा बंगलादेशबिरुद्ध इनिङ्स र २ सय ३९ रनको जित दर्ता गरेको थियो। त्यस्तै, सन् २०१७ मा श्रीलंकाबिरुद्ध इनिङ्स र २ सय ३९ रनको जित निकालेको थियो।
बैंलुरूस्थित चिन्नास्वामी रंगशालामा टस जितेर पहिले ब्याटिङ गरेको भारतले आफ्नो पहिलो इनिङ्समा ४ सय ७४ रनको बिशाल लक्ष्य प्रस्तुत गरेको थियो। जवाफी ब्याटिङमा उत्रिएको अफगानिस्तान पहिलो इनिङ्समा १ सय ९ रनमा समेटिएको थियो।
पहिलो इनिङ्समा भारतले ३ सय ६५ रनको अग्रता लिएको थियो। भारतका लागि कप्तान अजिक्या रहाणेले अफगानिस्तानलाई फ्लो अन दिएका थिए। जवाफी ब्याटिङमा उत्रिएको अफगानिस्तान १ सय ३ रनमा समेटियो।
दोस्रो इनिङ्समा पनि अफगानिस्तान १०३ रनमा समेटियो। उसका लागि हसमातुल्लाहले सबैभन्दा बढी ३६ रन बनाएका थिए। यस्तै असघार इस्तानीकाजाईले २५ रन बनाएका थिए। मोहम्मद साहजाद १३ तथा राशिद खानले १२ रन बनाउनुबाहेक अन्य कुने पनि अफगानी खेलाडीले दोहोरो रनको स्कोर बनाउन सकेनन्।
दोस्रो इनिङ्समा भारतका रविन्द्र जडेजाले ४ तथा उमेश यादवले ३ विकेट लिएका थिए। यो सँगै उमेश यादवले टेस्ट क्रिकेटमा १०० विकेट पुरा गरेका थिए। यादवसँगै इशान्त शर्माले २ तथा आश्विनले १ विकेट लिए।
तथ्याङ्कमा इरानविरूद्ध मोरक्को
