आइपिएलमा उत्कृष्ट प्रदर्शन गरी फर्किएका युवा क्रिकेटर सन्दीप लामिछाने भारतीय मोटर कम्पनी टाटाका नेपालस्थित सद्भावना दूत हुने भएका छन्।
नेपालस्थित टाटाको आधिकारिक विक्रेता सिप्रदी ट्रडिङले बुधबार एक कार्यक्रम आयोजना गरी सन्दीपलाई टिगोर कार पनि दिन लागेको जनाएको छ।
कार पाए पनि सन्दीपले चलाउन भने पाउने छैनन्। कानूनअनुसार कारको चालक अनुमति पत्र लिन १८ वर्ष उमेर पुग्नुपर्छ। सन्दीपको उमेर अहिले १७ वर्ष साढे ९ महिना भयो। कारको लाइसेन्स पाउन उनले अझै दुई महिनाभन्दा बढी कुर्नु पर्नेछ।