नेपाली युवा बलर सन्दिप लामिछनेले केन्याबिरूद्ध ५ विकेट लिएका छन्। १० ओभर बलिङ गरिसकेका लामिछानेले ५ मेडन राख्दै २० रन खर्चिएर ५ विकेट लिएका हुन्।
१० ओभर बलिङ गरेका उनले ५० डट बल फालेका थिए। २ वटा मात्र चौका दिएका उनले २ रन मात्र कुदेर ल्याउन दिए।
सन्दीपले लिस्ट 'ए' करिअरमा अहिलेसम्मकै उत्कृष्ट बलिङ गरेका हुन्। यसअघि उनको लिस्ट 'ए' करिअरमा सर्वाधिक उत्कृष्ट प्रदर्शन १८ रन दिएर ४ विकेट लिनु थियो। यो प्रदर्शन यही प्रतियोगिताको पहिलो खेलमा नामिबियाविरुद्ध गरेका थिए। यो प्रदर्शन लिस्ट 'ए'को खेलमा नेपाली बलरकै अहिलेसम्मकै उत्कृष्ट हो।
