एसिसि यु १६ पूर्वी क्षेत्रीय क्रिकेट प्रतियोगितामा नेपालले म्यानमारलाई ३ सय ५१ रनको बिशाल लक्ष्य दिएको छ ।
समूहको अन्तिम खेलमा टस जितेर पहिले ब्याटिङ गरेको नेपालले निर्धारित ३५ ओभरको खेलमा ६ विकेट गुमाएर ३ सय ५० रन बनाएको हो।
नेपालका लागि कप्तान रित गौतमले नटआउट १ सय ६ र प्रतिश जिसिले नटआउट ६३ रन बनाए। यस्तै तृतराज दाशले ६४ रनको योगदान गरेका थिए।
थाइल्याण्डको टेर्डथाइ क्रिकेट मैदानमा पहिलो विकेटका लागि ५४ रनको साझेदारी गरेको नेपालका लागि कुशल मल्लले ३६ रन बनाए। त्यसपछि सुवास ऐयर १७ रनमा पेभेलियन फर्किएपछि नेपालले ६७ रनमा दोस्रो विकेट गुमायो। तेस्रो विकेटका लागि विशाल विक्रम केसी र रित गौतमले ६९ रनको साझेदारी गर्दै नेपाललाई बलियो स्थितिमा पुर्याए।
तर विशाल ४२ रनमा आउट भएपछि नेपालले तेस्रो विकेट गुमायो । त्यसपछि चौथो विकेटका लागि त्रितराज दाश र रितले ९९ रनको साझेदारी गर्दै नेपालको स्कोर बलियो स्थितिमा पुर्याए।
त्रितराजले ६४ रन बनाउदा रित गौतमले सतकिए पारी खेले। यस्तै प्रतिश जिसीले अविजीत ६३ रन बनाए। समूहमा नेपालले लगातार दुई जित निकाल्दै सेमिफाइनलमा पुगिसकेको छ।
यद्यपी ३५१ रनको बिशाल लक्ष्य पछ्याएको म्यानमारले ५ ओभरमा ६ विकेट गुमाउँदै १० रन बनाएको छ। नेपालका लागि नारायण जोशीले एकै ओभरमा ४ विकेट लिएका थिए। थप दुई विकेट मेखबहादुरसेन थापाले एकै ओभरमा लिएका हुन्।