दशौं राष्ट्रिय खेलकुद प्रतियोगितामा सुदूरपश्चिमबाट ७७८ जना खेलाडीले सहभागिता जनाउँदै छन् भने ४५० जना निर्णायकहरू पनि सहभागी हुँदैछन्।
दशौँ राष्ट्रिय खेलकुदका लागि सुदूरपश्चिमको छनोट प्रतियोगितामा प्रदेशका २ हजार ८०० खेलाडी सहभागी हुँदैछन्।
सुदूरपश्चिम प्रदेश सरकारले दशौँ राष्ट्रिय खेलकुदमा ६१ विधाका खेलमा सहभागिता जनाउने भएको छ। त्यसका लागि प्रदेश छनोट प्रतियोगितामा महिला र पुरूष गरी ३१ खेल हुने सुदूरपश्चिम खेलकुद परिषद्का सदस्य सचिव दिपकबहादुर सिंहले जानकारी दिए।
उनका अनुसार छनोट प्रतियोगिता माघ २८ गतेदेखि फागुन २ गतेसम्म सञ्चालन हुनेछ। छनोट प्रतियोगिताका खेलहरू कैलाली र कञ्चनपुरमा हुने छ।
कैलालीको धनगढीमा फुटबल, भलिबल, एथेलेक्टीस, क्रिकेट, बास्केटबल, ब्याडमिन्टन, टेबल टेनिस, बुद्धीचाल, खो–खो, उस्सु लगायत खेल हुने छ। त्यसैगरी कञ्चनपुरको महेन्द्रनगरमा कबडी, तेक्वान्दो, कराते खेल हुनेछ।
छनोट प्रतियोगितामा अछामबाट १४१, बझाङबाट २६३, बैतडीबाट २०२, डोटीबाट २९४, बाजुराबाट २३९, दार्चुलाबाट २३६ डडेल्धुराबाट २४३ कैलालीबाट ४३१ र कञ्चनपुरबाट ४२३ जना खेलाडी गरी २ हजार ४६३ जनाले प्रतियोगितामा भाग लिनेछन्।
३१ मध्ये १६ वटा खेलको प्रतियोगिता हुने छ। छनोट हुने खेलमा बास्केट बल महिला, कुस्ती, आइटिएफ तेक्वान्दो, सुटिङ, जुडो, रब्बी, भारत्तोलन, हेन्ड बल महिला रहेका छन्।
१० वटा खेलका खेलाडीले दशौँ राष्ट्रिय खेलकुदमा हक्की, आर्चरी, साइक्लिङ, सफटेनिस्, पौडी, शारीरिक सुगठन, सेपाक ताक्क्रो, फेन्सिङ, लङ टेनिस, जिम्नास्टिक खेलका खेलाडीले सहजै दशौँ राष्ट्रिय खेलकुदमा सहभागि जनाउन पाउने छन्।
प्रदेश छनोट प्रतियोगितामा प्रथम मेडल ३३२, द्वितीय मेडल ३२०, तृतीय मेडल ४५६ गरी १ हजार १९८ वटा मेडल रहेको छ।
सुदूरपश्चिम खेलकुद परिषद्ले छनोट प्रतियोगिताका लागि मंगलबार पत्रकार सम्मेलनमा दशौँ राष्ट्रिय खेलकुदका सबै तयारी पूरा भएको बताएको छ।
प्रदेश छनोटका लागि ५ करोड २० लाख बढी खर्च हुने छ। अहिलेसम्म प्रतियोगिता सञ्चालनका लागि ४ करोड रकम प्राप्त भएको परिषद्ले जनाएको छ।
