पीडित परिवारलाई अष्ट्रेलियाबाट सहयोग

पीडित परिवारलाई अष्ट्रेलियाबाट सहयोग


कमजोर आर्थिक अवस्थाका कारण छाप्रोमा जीवन गुजारा गर्दै आएका तेह्रथुमको छथर गाउँपालिका–२ हमरजुङका गंगाबहादुर लिम्बूको परिवारलाई अष्ट्रेलियाबाट सहयोग भएको छ ।

लिम्बूको बारेमा विभिन्न सञ्चार माध्यमबाट समाचार प्रशारण भएपछि अष्ट्रेलियास्थित किराँत याक्थुङ चुम्लुङ नामक संस्थाले राहत संकलन अभियन चलाएको थियो।
कलाकार यासेली योङहाङको सक्रियतामा सो संस्थाले चलाएको अभियानमा संकलित  ५० हजार २ सय ३० रुपैयाँ बिहिबार जिल्ला सदरमुकाम म्याङलुङमा कलाकार योङहाङले लिम्बूका छिमेकी अर्चना खड्का र सीता तुम्खेवालाई पीडितसम्म पुर्‍याउन प्रदान गरिएको थियो ।

लिम्बूको घर २०७२ सालको भूकम्पले क्षति गरेपछि पुनर्नि‍र्माण गर्न नसक्दा उनले  खुला आकाशमा रात कटाउँदै आएका थिए । रासस

Share:

प्रतिकृया दिनुहोस

© 2017 Setopati Sanchar Pvt. Ltd.