उत्कृष्ट कृषक समूहलाई कृषि सामग्री हस्तान्तरण  


डडेल्धुरा अजयमेरु गाउँपालिकाका कृषक समूहलाई कृषि सामाग्री हस्तान्तरण गरिएको छ ।

जिल्ला कृषि विकास कार्यालयअन्तर्गत रहेको प्रधानमन्त्री आधुनिक कृषि परियोजनाको आर्थिक सहयोगमा अजयमेरु गाउँपालिका–१ का छवटा कृषक समूहलाई कृषि सामग्री वितरण गरिएको जिल्ला कृषि विकास कार्यालयका वरिष्ठ कृषि अधिकृत दिलबहादुर विष्टले जानकारी गराए ।

प्रधानमन्त्री आधुनिक कृषि परियोजनाको आर्थिक सहयोगमा जिल्ला कृषि विकास कार्यालय डडेल्धुरा, कैलपाल त्रिशूल आलु उत्पादन पकेट क्षेत्र समिति र शिखर समैजी बचत तथा ऋण सहकारी संस्था लिमिटेडको संयुक्त साझेदारीमा उक्त सामाग्री हस्तान्तरण गरिएको हो ।

छ वटा समूहलाई थप हौसला प्रदान गर्न र व्यावसायिक रुपमा अगाडि बढाउन करीब तीन लाख बराबरका कृषि सामग्री वितरण गरिएको हो ।

एक समूहलाई  ५२ हजार रुपैयाँ बराबरको कृषि औजार वितरण गरिएको शिखर समैजी बचत तथा ऋण सहकारी संस्थाका अध्यक्ष खडकसिंह विष्टले जानकारी गराए ।

कृषकहरू सक्रिय भई तरकारी र उत्पादनलाई नमूना बनाइ क्रियाशील रहेका समूह कृषक समूहलाई क्रेट, स्प्रे ट्याङ्की, कोदालो, विषादी ड्रम, गार्डेन पाइप, पोलिथिन पाइपलगायत उपकरण वितरण गरिएको हो । रासस

Share:

प्रतिकृया दिनुहोस

© 2017 Setopati Sanchar Pvt. Ltd.