दक्षिण कोरियाको डेजन सिटीमा हुन गइरहेको एशिया प्यासिफिक सम्मेलनमा भाग लिन पोखरा–लेखनाथ महानगरपालिका प्रमुख मानबहादुर जिसीसहित पाँच नगर प्रमुख त्यसतर्फ जाने भएका छन् ।
जिसीसहित काठमाडौं, धरान, धुलिखेल र नवलपरासीका प्रमुख र अन्य गरी १० जना सम्मेलनमा जाने प्रमुख जिसीका प्रेस सहयोगी लक्ष्मण तिमिल्सिनाले जानकारी दिए ।
सम्मेलनमा करीब २० देशका सयभन्दा बढी प्रमुखबीच एक आपसमा छलफल तथा अन्तरक्रिया हुनेछ । उनीहरू भदौ २९ गते स्वदेश फर्कने कार्यक्रम रहेको छ । रासस