पाँच लाख घुस लिँदै गर्दा नापतौल विभागका तीन कर्मचारी पक्राउ


अख्तियार दुरूपयोग अनुसन्धान आयोगले पाँच लाख रुपैयाँ घुस लिँदै गर्दा तीन कर्मचारीलाई पक्राउ गरेको छ ।

आयोगबाट खटिएको टोलीले नेपाल नापतौल तथा गुणस्तर विभागका ट्याक्सी ट्याम्पो एकाइका प्रमुख विकास ध्वजु, नायब सुब्बा दुर्गाप्रसाद रेग्मी र ठाकुरराम खड्कालाई आज बिहान पक्राउ गरेको हो ।

आयोगको टोलीले भक्तपुरको सल्लाघारीस्थित युनिभर्सल तन्दुरी क्याफेमा पाँच लाख रुपैयाँ घुस लिँदै गर्दा नियन्त्रणमा लिएकोे आयोगका प्रवक्ता जीवराज कोइरालाले  जानकारी दिए ।

पक्राउ पर्नेले ४५० वटा ट्याक्सीलाई गुणस्तरयुक्त छ भनेर प्रतिट्याक्सी  एक हजार ५ सय रुपैयाँ दरले  छ लाख ७५ हजार रुपैयाँ मागेका थिए । तर बार्गेनिङ गर्दा  पाँच लाख रुपैयाँमात्र लिने शर्तमा घुस लिँदै गर्दा घुस रकमसहित पक्राउ गरिएको हो । रासस

Share:

© 2017 Setopati Sanchar Pvt. Ltd.