नेता पौडेलद्वारा पहिरोपीडितलाई राहत वितरण 


नेपाली काँग्रेसका युवा नेता टेकराज पौडेलले निसीखोला गाउँपालिका–१ हुल्दी र वार्ड नं २ बाहुनगाउँका दुई पहिरोपीडित परिवारलाई राहतस्वरूप २० हजार वितरण गरेका छन् ।

मृतक परिवारका सदस्यहरू लालबहादुर सिंजाली र रिमबहादुर छन्त्याललाई उक्त गाउँपालिका उपप्रमुख शोभा कार्की र वडाध्यक्ष इन्द्र मल्लको उपस्थितिमा आइतबार सो रकम प्रदान गरिएको हो ।

अबिरल वर्षातको कारण गत साउन २० गते पहिरोमा परी वार्ड न १ हुल्दीकी खागीसारा सिंजाली र वार्ड नं २ बाहुनगाउँका मानबहादुर छन्त्याल, नन्द काली छन्त्याल, बिन्दु छन्त्याल र गीता छन्त्याल गरी पाँचजनाको मृत्यु भएको थियो ।

मृतक सिंजाली परिवारलाई  चार हजार रुपैयाँ र छन्त्याल परिवारलाई  १६ हजार रुपैयाँ प्रदान गरिएको छ । रासस

Share:

© 2017 Setopati Sanchar Pvt. Ltd.