प्रतिबन्धित ६७ हजार भारतीय रुपैयाँसहित २ जना पक्राउ (भिडियोसहित)


महानगरीय प्रहरी परिसर काठमाडौं प्रहरीले हजार र पाँच सय दरका प्रतिबन्धित ६७ हजार भारतीय रुपैयाँसहित २ जनालाई पक्राउ गरेको छ ।

शनिबार काठमाडौंको स्वयम्भूमा अवैध भारतीय रुपैयाँ बोकेर हिँडिरहेका बाँकेका कृष्णकुमारी शर्मा र गोरखाका अर्जुन भण्डारी ६७ हजार प्रतिबन्धित भारतीय रुपैयाँसहित पक्राउ परेका हुन् ।

आइतबार बिहान महानगरीय प्रहरी परिसर काठमाडौंले पत्रकार सम्मेलन गरी सर्वसाधारणलाई ठगी गर्दै हिँडेको सूचनाको आधारमा प्रतिबन्धित भारतीय नोटसहित उनीहरूलाई पक्राउ गरिएको जानकारी गराएको हो । घटनाबारे थप अनुसन्धान भइरहेको महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक रविन्द्रबहादुर धानुकले जानकारी दिए ।

केही दिन अघि मात्रै महानगरीय प्रहरी परिसर काठमाडौंको प्रमुखको जिम्मेवारी पाएका प्रहरी वरिष्ठ उपरीक्षक धानुकले काठमाडौंमा गुण्डागर्दी र भ्रष्टाचार नियन्त्रणका लागि शून्य सहनशीलताको नीति लिने दृढता पनि व्यक्त गरे ।

Share:

© 2017 Setopati Sanchar Pvt. Ltd.