बनेपा नगरपालिका– ८ स्थित इट्टाभट्टा नजिकै मकैबारीमा आज एक महिला मृत अवस्थामा फेला परेकी छिन् ।
अर्धनग्न अवस्थामा फेला परेकी करीब ४५ वर्षीया ती महिलाको कुनै पहिचान खुल्न नसकेको धुलिखेल जिल्ला प्रहरी कार्यालयका प्रहरी नायब उपरीक्षक महेन्द्र मरासिनीले बताए ।
‘यो शव केही दिन अघिको नै हुनसक्छ कुहिएको अवस्थामा छ’- उनले भने । स्थानीय बासिन्दा मकैबारीमा जाँदा सो लास देखेर प्रहरीलाई खबर गरेका थिए । घटनाको अनुसन्धान भइरहेको प्रनाउ मरासिनीले जानकारी दिए । रासस
