गएको साउन महिनाको अन्तिम सातामा झापामा आएको बाढी तथा अविरल वर्षाका कारण जनताको तटबन्ध कार्यक्रम फिल्ड कार्यालय नं १ गैँडे अन्तर्गतका नदीलाई पूर्व अवस्थामा ल्याउन एक अर्ब ३७ करोड २० लाख रुपैयाँ बराबर खर्च लाग्ने जनाएको छ ।
तत्काल सबै नदीको संरचनामा मर्मतमा २४ करोड ७० लाख रुपैयाँ खर्च लाग्ने बताइएको छ । जसमा मावा नदीमा २१ करोड ५५ लाख रुपैयाँ, कन्काई नदीमा ५० करोड ४५ लाख रुपैयाँ, कमल नदीमा १३ करोड रुपैयाँ, विरिङ नदीमा ११ करोड रुपैयाँ र रतुवा नदीमा ४१ करोड २० लाख रुपैयाँ नदी नियन्त्रण एवं व्यवस्थापनमा खर्च लाग्ने सो कार्यालयबाट थाहा भएको छ ।
यसैगरी, जन उत्पन्न प्रकोप नियन्त्रण डिभिजन कार्यालय नं १ अन्तर्गत झापामा सोही बाढी र वर्षाका कारण नौवटा योजनामा एक करोड ८९ लाख रुपैयाँ, खाने पानी तथा सरसफाइ डिभिजन कार्यालय चन्द्रगढीअन्तर्गतका १९ वटा योजनामा छ करोड ३४ लाख रुपैयाँ तथा सडक डिभिजन कार्यालय अन्तर्गत पुल एवं सडकमा ४९ करोड तीन लाख रुपैयाँ बराबरको क्षति भएको सम्बन्धित कार्यालयले जनाएको छ । रासस
