म्याक्स इन्टरनेशनल अस्पतालद्वारा बाढीपीडितको उपचार


विराटनगरस्थित ‘म्याक्स’ इन्टरनेशनल तथा ट्रमा सेण्टरले ६२० बाढीपीडितको उपचार गरी एक लाख रुपैयाँभन्दा बढीको औषधि वितरण गरेको छ।

विराटनगर–१२ स्थित बखरीका २५४ जना बाढीपीडित बिरामीको उपचार गरी ५३ हजार मूल्य बराबरको औषधि निःशुल्क रुपमा उपलब्ध गराइएको सो अस्पतालका निर्देशक जीतेन्द्र यादवले जानकारी गराए । त्यसैगरी, जहदा गाउँपालिका–१ को बुधनगरमा आइतबार ३६६ बाढीपीडितको उपचार गरिएको र  ७८ हजार रुपैयाँ मूल्य बराबरको औषधि वितरण गरिएको छ । बाढीपीडितमा रुघाखोकीलगायतका समस्या बढी देखिएको चिकित्सक टोलीले जनाएको छ ।

सो उपचारमा वरिष्ठ चिकित्सक डा. किरण यादव, हाडजोर्नीका विशेषज्ञ डा. सञ्जय साह, डा. विजय भर्गिस, प्रसूतिरोग विशेषज्ञ अशोक मेहता, मेडिकल अधिकृतद्वय रुचिका बमसहित १५ जनाको टोली उपचारमा संलग्न थिए ।

यसैबीच सो अस्पतालले बाढीपीडितका लागि बहिरङ सेवा निःशुल्क गरिएको र अन्य सेवामा ५० प्रतिशत छूटको व्यवस्था गरिएको निर्देशक यादवले जानकारी गराए । रासस

Share:

© 2017 Setopati Sanchar Pvt. Ltd.