मोरङको पथरी शनिश्चरेस्थिति जिरिखिम्तिमा बस दुर्घटना हुँदा १ बालकको मृत्यु भएको छ। धरानबाट काकरभिट्टाका लागि जाँदै गरेको को १ ख २७५२ नम्बरको बुद्ध ट्राभल्सको बस जिरिखिम्ती पुलबाट अनियन्त्रित भइ सडक किनारको भित्तामा खसेर दुर्घटना हुँदा १५ जना घाइते भएका छन्।
माेरङ उर्लाबारी १ लक्ष्मिझार निवासी नरेन्द्र श्रेष्ठकी ४ वर्षिया छाेरी नदिना श्रेष्ठको घटनास्थलमै मृत्यु भएको हो।
एउटा साइकल यात्रीलाई बचाउने क्रममा बस अनियन्त्रित भइ मोटरसाइकलमा ठिक्किएर पुलबाट तल खसेको हो।
बसको ठक्करबाट मोटरसाइकलमा सवार दुई जना गम्भीर घाइते भएका छन्। घाइते सबैको पथरी अस्पतालमा उपचार भइरहेको छ।
बसमा ३०-३५ जनाको हाराहारीमा यात्रु रहेको प्रत्यक्षदर्शीले बताए।
[caption id="attachment_75074" align="alignnone" width="826"]
मृतक मोरङ उर्लाबारी १ लक्ष्मिझार निवासी नरेन्द्र श्रेष्ठकी ४ बर्षिया छाेरी नदिना श्रेष्ठ। तस्बिरः गोपाल काफ्ले[/caption]
