यसरी बक्राहा गाउँ पस्यो


मोरङको हसन्दह स्थित पौडेल चोकबाट बक्राहा खोला बाँध फुटाएर पुरै गाउँमा पसेपछि सो क्षेत्रका ५० भन्दा बढी घरपरिवार विस्थापित भएका छन्।

दुई दिनदेखिको अविरल वर्षासँगै आएको बाढीका कारण बाँध फुटाएर खोला गाउँमा पस्दा हसन्दह, अमरदर, इटहरा, गोविन्दपुरका केही भाग डुबानमा परेको छ।

बाढीका कारण सो क्षेत्रका ५० भन्दा बढी घरपरिवार विस्थापित भएका छन् भने सयौँ घर डुबानमा परेका छन्। खोला गाउँमा पसेपछि हसन्दह बजार पूर्व र दक्षिणका भेगका बस्तीलाई सुरक्षित रहन आग्रह गरिएको छ।

बाढीपीडितको उद्धारमा नेपाल प्रहरी र सशस्त्र प्रहरी परिचालित भएपनि वर्षा भइरहेका कारण र बाढी बढेपछि बाढीपीडितको उद्धारमा कठिनाइ भएको छ।

 

 

Share:

प्रतिकृया दिनुहोस

© 2017 Setopati Sanchar Pvt. Ltd.