सल्यानबाट दाङ आउँदै गरेको एउटा यात्रु बसमा पहिरो खस्यो, एकको मृत्यु ११ जना घाइते


सल्यानबाट दाङ आउँदै गरेको एउटा यात्रुबाहक बस माथिबाट आएको पहिरोले थिच्दा एक जनाको मृत्यु हुनुका साथै ११ जना घाइते भएक छन्। दाङ-सल्यान सीमाको राम्री नजिकै बस दुर्घटनामा परेको हो।

सल्यानबाट दाङको तुलसीपुरतिर आउँदै गरेको सल्यान रूकुम यातायात समितिको ना ३ ख ३२३० नम्बरको बसलाई स्थानीय गोर्छरी खोला किनारमा पहिरो झर्दा अन्दाजी ३२ वर्षीय एक जनाको मृत्यु हुनुका साथै ११ जना घाइते भएका हुन्।

मृत्यु हुनेको सनाखत हुन नसकेको इलाका प्रहरी कार्यालय तुलसीपुरले जनाएको छ।

गुडिरहेको बसलाई आइतबार दिउँसो अन्दाजी १ बजेतिर माथिबाट पहिरोसँगै खसेको ढुंगाले लागेको हो।

Share:

प्रतिकृया दिनुहोस

© 2017 Setopati Sanchar Pvt. Ltd.