अविरल वर्षाको कारण कोशी र गण्डकी नदीमा पानीको बहाव बढी भएपछि दुवै व्यारजेका ढोका खोल्न भारत सहमत भएको छ।
उपप्रधानमन्त्री एवम् परराष्ट्रमन्त्री कृष्णबहादुर महराले भारतीय राजदूत मञ्जीत सिंह पुरीलाई टेलिफोन गरी व्यारेजका ढोका खोल्नका लागि पहल गर्न आग्रह गरेका थिए ।
उपप्रधानमन्त्री महराले पानीको स्वभाविक बहावलाई बढ्न दिन उनले पुरीलाई आग्रह गरेका थिए। महराले पनाको बहावलाई नियन्त्रण नगर्न समेत भनेका थिए।
जबाफमा पुरीले यस बारेमा सम्बन्धीत पक्षलाई जानकारी गराउने बताएका थिए।
महरासँग कुरा भएको एक घण्टापछि पुरीले व्यारेजका ढोका खोलिने बताएको महराका स्वकीय सचिव युवराज चौलागाईले सेतोपाटीलाई बताए।
