वन क्षेत्रको संरक्षण र प्रवर्द्धनका लागि नवलपरासीमा नेपाली सेनाले काम थालेको छ । जिल्लाको कुकुरमारामा श्री नं २ वन तथा पर्यावरण सुरक्षा गण स्थापना गरी वन क्षेत्रको संरक्षण र प्रवर्द्धनको काम नेपाली सेनाले थालेको हो ।
राष्ट्रपति चुरे तराई मधेश संरक्षण विकास समितिले यस क्षेत्रमा वन तस्करी नियन्त्रण, वनको संरक्षण र प्रवर्द्धनमा सघाउ पुर्याउन नेपाली सेनाले विशेष जिम्मेवारी दिएको छ ।
जसअन्तर्गत सो गणले अहिले कुकुरमारा क्षेत्रमा वृक्षरोपणका साथै वनको संरक्षण र प्रवर्द्धनको काम शुरु गरिसकेको छ । सो गणले विशेषगरी यस क्षेत्रमा समग्रतामा वन क्षेत्रको चोरी तस्करी नियन्त्रण गर्न वन बचाउसम्बन्धी विभिन्न काम गरिरहेको छ ।
ज्यादै जटिल अवस्थामा रहेको यस क्षेत्रको वनलाई संरक्षण र व्यवस्थापन गर्ने जिम्मवारी समुदायलाई मात्र प्रयोग गरेर वनको प्रवर्द्धन गर्न नसकिने अवस्था छ ।
तसर्थ यो कामको विशेष जिम्मेवारी वन तथा पर्यावरण सुरक्षा गणलाई दिइएको राष्ट्रपति चुरे तराई मधेश संरक्षण विकास समितिका अध्यक्ष वीरेन्द्र यादवले जानकारी दिए ।
यस क्षेत्रको वनको अवस्थालाई गणको सहयोगमा पुरानै अवस्थामा फर्काएर पुनः समुदायलाई हस्तान्तरण गर्ने योजना रहेको समितिका सदस्य विदुर भारतीले बताए ।
समग्रतामा चौतर्फी रुपमा वन क्षेत्रको संरक्षण र प्रवर्द्धनबाट तराईका जमिनलाई उत्पादनशील बनाउन, चुरे पहाडलाई संरक्षण हुनेमा यस क्षेत्रका जनता आशावादी बनेको छन् । रासस
