शिक्षाको चार करोड ७७ लाख फिर्ता


आर्थिक वर्ष २०७३/७४ मा जिल्ला शिक्षा कार्यालयको  चार करोड ७७ लाख ३१ हजार रुपैयाँ बजेट फिर्ता भएको छ ।

कार्यालयलाई अख्तियारी आएको  ७१ करोड ३१ लाख ३९ हजार रुपैयाँमध्ये  ६६ करोड ५४ लाख सात हजार रुपैयाँ  खर्च भएको जिल्ला शिक्षा अधिकारी कृष्णप्रसाद पोखरेलले जानकारी दिए । गत आवमा ९२ प्रतिशत बेरुजु फछ्रर्यौट भएको छ ।

गत आवमा कार्यालयले ३२ वटा सामुदायिक विद्यालयलाई कम्प्युटर, प्रिन्टर, फोटोकपी मेसिनलगायत सामग्री हस्तान्तरण गरेको छ । पन्ध्रवटा विद्यालयलाई विज्ञान प्रयोगशाला, छवटा विद्यालयलाई पुस्तकालय र नमुना विद्यालयका लागि वसन्तपुरस्थित वसन्त माविलाई छनोट गरी  २९ लाख ५० हजार रुपैयाँ पूर्वाधार अनुदान उपलब्ध गराएको छ । रासस

Share:

प्रतिकृया दिनुहोस

© 2017 Setopati Sanchar Pvt. Ltd.