पोखरा र इटहरीमा क्षेत्रीय अस्पताल निर्माण गर्ने तयारीमा नेपाली सेना


नेपाली सेनाको सैनिक कल्याणकारी योजना निर्देशनालयले पश्चिमाञ्चलको पोखरा र पूर्वाञ्चलको इटहरीमा क्षेत्रीय अस्पताल निर्माण गर्ने योजना अघि सारेको छ ।

संघीय संरचनामा मुलुक गइसकेको अवस्थामा आफ्ना सुविधालाई पनि सोही अनुसार विकेन्द्रीत गर्दै लैजाने उद्देश्यका साथ निर्देशनालयले चालू आर्थिक वर्षमा पोखरा र इटहरीमा क्षेत्रीय अस्पताल बनाउन लागेको हो । सैनिक मुख्यालय भद्रकालीमा आइतबार पत्रकार सम्मेलन गरी निर्देशनालयले यस्तो जानकारी दिएको हो। त्यसैगरी सर्वसाधरण तथा जेष्ठ नागरिक समेतलाई निशुल्क स्वास्थ्य परीक्षण सुविधा उपलब्ध गराउने गरी निर्देशनालयले काठमाडौंको शंखमुलमा सामूहिक चिकित्सा केन्द्र भवन निर्माण गर्ने भएको छ ।

सैनिक कल्याणकारी कोष अन्तरगत  ६ वटा सैनिक आवासिय महाविद्यालय, २ सैनिक महाविद्यालय, १ छात्रावास तथा नेपाली सेना स्वास्थ्य विज्ञान संस्थान अन्तरगत चिकित्साशास्त्र महाविद्यालय र नर्सिङ्ग महाविद्यालय संचालनमा छन् ।

कोषले निकट भविष्यमा कलेज अफ मेडिकल पोलिटेक्निक संचालनमा ल्याउने योजना पनि लिएको छ । कोषले वहालवाला र सेवानिवृत्त सैनिकहरुका लागि स्वास्थ बीमा, दुर्घटना बीमा, सहुलियत ऋण, पारिवारिक आवास सहुलियत लगायत सेवा प्रदान गर्दै आएको छ ।

Share:

प्रतिकृया दिनुहोस

© 2017 Setopati Sanchar Pvt. Ltd.