बाजुरा जिल्लाको धरोहर मानिने धार्मीक तिर्थस्थल बडिमालिकाको दर्शन गर्न जाने क्रममा एक जनाको भिरबाट लडेर मृत्यू भएको छ।
मृत्यू हुनेमा बाजुराको त्रिबेणी नगरपालिका वडा न २ का ५५ बर्षिय डम्मलाल जैशी रहेको जिल्ला प्रहरी कार्यालय बाजुराका प्रहरी नायव उपरीक्षक दल बहादुर बोगटीले बताएका छन्।
उनी हाल कैलाली जिल्लाको फुलबारी नगरपालिका को बि गाउमा बस्तै आएको प्रहरी प्रमुख बोगटीले बताएका छन्। जिल्लाको प्रमुख धार्मीक तथा सुदुर पश्चिमको धरोहर मानिने बडिमालिकामा साउन पूर्णिमाको अघिल्लो दिन तथा साउन पर्णिमाको चर्तुदशी तिथिका दिन भब्य मेला लाग्ने गर्दछ।
सोही मेलामा बडिमालिका भगवतीको दर्शन जाने क्रममा बिचबाटोमा भिर बाट लडेर मृत्यू भएको बताएको छ ।सदुरपश्चिमकै प्रमूख धार्मिक तथा पर्यटकीय क्षेत्रका रुपमा चिनिने बडिमालिकामा जनैपुर्णिमाको अघिल्लो दिन अर्थात चतुर्दशीका दिन मेला लाग्ने गर्दछ।
यो वर्ष साउन २२ गते मेला लाग्ने भए पनि दर्शनार्थीहरु साउन १९ गतेदेखि नै सो क्षेत्रमा जान थालेका हुन्। बडिमालिका मन्दिरमा अछाम, बाजुरा, बझाङ र कालिकोट लगायतका जिल्लासहित स्वदेशर विदेशबाट समेत दर्शनार्थीहरु आउने गर्दछन्। बडिमालिका माईको दर्शन गर्नाले मनले चिताएको कुरा पुरा हुने विश्वास रहेकाले देश बाहिरबाट समेत दर्शनार्थी आउने गरेका छन् । बडिमालिका माईको दर्शन गरेर एक दिन त्रिवेणीमा बास बस्ने प्रचलन छ । धार्मिक तथा पर्यटकीय महत्व बोकेको बडिमालिका समुद्रसतहबाट ४ हजार मिटरभन्दा बढी उचाईमा छ । बडिमालिकाको पुजाआजा गरेपछि आफ्नो मनोकामना पुरा हुने जनविश्वास पाइन्छ।
त्यस्तै बडिमालिका क्षेत्रको अर्को धार्मिक पर्यटकीय स्थल बुढीनन्दामा समेत ठूलो संख्यामा दर्शनार्थी जाने गरेका छन् । बुढीनन्दामा पनि जनै पुर्णिमाको दिनमा मेला लाग्ने गर्दछ । दर्सन जाने क्रममा बिचबाटोमा भिर बाट लडेर मृत्यू भएको बताएको छ
