पहिरोले मुग्लिनमा फेरि दुई ट्रक पुरियो


मुग्लिन-नारायणगढ सडक खण्डमा पहिरो खसेर फेरि दुई वटा ट्रक पुरेको छ।

चेपाङडाँडामा झरेको पहिरोले गए राति दुई ट्रक पुरिएको मुग्लिन-नारायणगढ सडक आयोजनाका इञ्जिनियर शिव खनालले बताए।

चेपाङडाँडालगायत विभिन्न १० ठाउँमा ठूल्ठूला पहिरो खसेको खनालले बताए। उनका अनुसार पुरिएका ट्रक चालकहरु भने भागेर बाँच्न सफल भएका छन् ।

अहिले पहिरो हटाउने प्रयास भइरहेको छ।

बाटो विस्तार सुरु गरेपछि मुग्लिन–नारायणगढ सडक पहिरोको जोखिममा छ । प्रधानमन्त्री शेरबहादुर देउवाले बुधबार सडक अवलोकन गर्दै कामलाई प्रभावकारी बनाउन निर्देशन दिएका थिए।

Share:

प्रतिकृया दिनुहोस

© 2017 Setopati Sanchar Pvt. Ltd.