पाँचथरमा मतदाता परिचयपत्र बनाउनेको भीड


यसअघि मतदाता परिचयपत्र बनाउन छुटेका व्यक्तिको पाँचथर जिल्लामा अहिले परिचयपत्र बनाउनेको भीड व्यवस्थापनमै कठिनाइ भएको छ ।

अहिलेसम्म जिल्ला निर्वाचन कार्यालयमा तीन हजार २ सय जनाको परिचयपत्र बनाइएको हो । यस्तै, २ सय  जनाको नाम सच्याइएको छ । जिल्ला निर्वाचन कार्यालय पाँचथरमा भीड बढेपछि अहिले गाउँपालिकामै परिचयपत्र बनाउने र नाम सच्याउन थालिएको हो ।

अब साउन मसान्तसम्म परिचयपत्र बनाउने र सच्याइने जिल्ला निर्वाचन कार्यालय प्रमुख ध्रुब राईले बताए ।  उनले भने, ‘जिल्ला निर्वाचन कार्यालय पाँचथरमा मात्र परिचयपत्र बनाउन मतदातालाई असहज भएको हुँदा अब गाउँपालिकामै सहज होस् भन्ने उद्देश्यले गाउँमै परिचयपत्र वितरण गर्न थालेका छौँ ।’

यसअघिको स्थानीय तहको निर्वाचनमा धेरै मतदाता परिचयपत्र नभएकाले आफ्नो मत दिने अधिकारबाट बञ्चित भएका थिए ।

परिचयपत्र बनाउन र सच्याउन निर्वाचन आयोगको टोली गाउँपालिकामै गएपछि दुई दिनको अवधिमा फालेलुङ गाउँपालिकामा ७६ जना, फाल्गुनन्दमा ५७ जना, कुमायकमा ४१ जना, याङबरकमा ३३ जना, मिक्लाजुङमा १७ जना र फिदिम नगरपालिकामा १२३ जनाको नयाँ परिचयपत्र बनाइएको निर्वाचन कार्यालयले जनाएको छ। रासस

Share:

प्रतिकृया दिनुहोस

© 2017 Setopati Sanchar Pvt. Ltd.