वन्यजन्तुमाथि परेका असरबारे क्यामरा–ट्रयापिङ विधिबाट अध्ययन हुँदै


चितवनको भरतपुर महानगर र रत्ननगर नगरपालिकाको बीचमा पर्ने टिकौली जंगलस्थित जैविक मार्गमा वन्यजन्तुमाथि भएको असरबारे अनुगमन गर्न लागिएको छ।

क्यामरा ट्रापिङ विधिमार्फत  आवजतजावत गर्ने संरक्षित वन्यजन्तुमा परेको असरबारे अध्ययन हुन लागेको हो । पूर्व पश्चिम राजमार्गसँगै जोडिएको सो क्षेत्रमा संरक्षित वन्यजन्तुको आवतजावतको अवस्था तथा मानवीय र सवारी चापका कारण तिनीहरुमा परेको प्रभावका बारेमा अध्ययन गर्न लागिएको हो । राष्ट्रिय प्रकृति संरक्षण कोष, जैविक विविधता संरक्षण केन्द्र सौराहाका प्रमुख डा चिरञ्जीवी पोखरेलले अनुगमनका लागि जंगल क्षेत्रमा क्यामेरा राख्न अहिले आवश्यक प्राविधिक तथा आन्तरिक तयारीका काम भैरहेको जानकारी दिए । साउन महीनाभित्रै क्यामेरा जडान भैसक्ने उनकाे भनाइ छ । सो क्षेत्रमा विभिन्न स्थानमा क्यामेरा राखेर वन्यजन्तुको आवागमन र तिनमा परेको असरबारे अध्ययन गरिने जनाइएको छ।

चितवन निकुञ्जका सूचना अधिकारी नुरेन्द्र अर्यालले बरण्डाभार क्षेत्रमा बाघको उपस्थितिबारे अनुगमन गरिएको भएपनि सडकलाई नै केन्द्रीत गरेर क्यामरा ट्रयापिङबाट अनुगमन नभएको जानकारी दिए  । चितवन राष्ट्रिय निकुञ्ज राष्ट्रिय प्रकृति संरक्षण कोष, जिल्ला वन कार्यालय तथा स्थानीय सामुदायिक वन र बरण्डाभार उपभोक्ता समितिको सहकार्यमा उक्त कार्यक्रम सञ्चालन गर्न लागिएको हो । सो क्षेत्रमा ५ देखि १० वटासम्म क्यामेरा राखेर अनुगमन गरिने भएको छ।

यसअघि चितवन निकुञ्जमा बाघको अध्ययन गरेका कोषका अनुसन्धान अधिकृत बाबुराम लामिछानेका अनुसार लामो समय लगाएर अध्ययन हुने जानकारी दिए । सो क्षेत्रको सुरक्षामा चुनौती भएपछि अहिले अस्थायी सुरक्षा चौकी स्थापना गरेर गाडी रोक्न बन्द गरिएको छ । रासस

Share:

प्रतिकृया दिनुहोस

© 2017 Setopati Sanchar Pvt. Ltd.