पत्रकार उपचार कोषमा २७ लाखभन्दा बढी जम्मा


समाजसेवी कृष्णकुमारी पोखरेलको ८६औँ जन्मजयन्तीको अवसर पारी उनका छोरा बुहारी राजकुमार पोखरेल र मीना पोखरेलले पत्रकार सहारा उपचार कोषका लागि रू. एक लाख १०१ प्रदान गरेका छन् ।

पोखरेल दम्पतीले आमा कृष्णकुमारीको स्मृतिमा पत्रकार महासंघ झापाका अध्यक्ष तारामणि सापकोटा र उपाध्यक्ष एवं पत्रकार उपचार कोषका संयोजक एकराज गिरीलाई हालै सो रकम प्रदान गरेको हो ।

रकम हस्तान्तरण समारोहमा कृष्णकुमारी आफ्नो मात्रै माता नभएर बिर्तामोडवासीकै अभिभावक र माताको रुपमा भूमिका निर्वाह गरेको राजकुमारले स्मरण गराए ।

महासंघका अध्यक्ष सापकोटाले कोषमा सहयोग गरेकोमा पोखरेल परिवारप्रति धन्यवाद ज्ञापन गरे ।

यसैगरी, बिर्तामोड–५ स्थित साहित्य चौतारी झापाले पत्रकार सहारा उपचार कोषलाई रू. ५५ हजार ५५५ प्रदान गर्ने घोषणा गरेको छ ।

महासंघले रू. एक करोड पु¥याउने लक्ष्यका साथ स्थापना गरेको पत्रकार सहारा उपचार कोषमा हालसम्म रू. २७ लाखभन्दा बढी जम्मा भइसकेको कोषका संयोजक गिरीले जानकारी दिए । रासस

Share:

प्रतिकृया दिनुहोस

© 2017 Setopati Sanchar Pvt. Ltd.