पिजी भर्नामा मेडिकल कलेजको दादागिरीः चिकित्सक संघ


नेपाल चिकित्सक संघले चिकित्सा शिक्षाको विशेषज्ञ तह (पिजी)मा योग्यताक्रमका आधारमा तोकिएको शुल्कमा नै भर्ना गर्ने व्यवस्था मिलाउन आग्रह गरेको छ।

संघले सर्वोच्च अदालतको आदेशको स्वागत गर्दै योग्यताक्रमका आधारमा तोकिएको शुल्क बुझाई चिकित्साशास्त्रका विद्यार्थीहरुलाई भर्ना लिन कलेजहरुसँग आग्रह गरेको हो।

‘सम्पूर्ण सरोकारवाला निकायले उक्त निर्णयको पूर्ण रुपमा पालना गर्दै कानूनी सर्वोच्चताको पालना गर्नुकासाथै योग्यताक्रमका आधारमा छनौटमा परेका विद्यार्थीहरुलाई भर्ना लिने व्यवस्था अभिलम्ब मिलाउन यस संघ सम्बन्धीत सरोकारवाला निकायहरुमा हार्दिक अपिल गर्दछ’ संघका महासचिव डा. लोचन कार्कीद्धारा हस्ताक्षरित विज्ञप्तिमा भनिएको छ, ‘उक्त निर्णयले चिकित्सा शिक्षाको गुणस्तरीयतालाई थप मजबुद र पारदर्शि बनाउँदै क्षमतावान विद्यार्थीहरुलाई मात्र चिकित्सा शिक्षाको उच्च तहमा अध्ययन गर्न पाउने यो सुनौलो अवसरको सबै पक्षबाट अक्षरस पालना गर्दै नेपाली चिकित्सा क्षेत्रलाई अझबढी गुणस्तरीयता, पारदर्शिता र विश्वसनिय बनाउन उल्लेख्य योगदान पुग्ने नेपाल चिकित्सक संघको ठहर छ।’

यसैबीच कलेजको दादागिरीको विरोधमा माइतीघर मण्डलामा भोलि बेलुका ४ बजे डाक्टर सोसाइटी अफ नेपालले विरोध प्रदर्शन गर्ने भएको छ।

Share:

© 2017 Setopati Sanchar Pvt. Ltd.