प्रहरीले हवाई फायर गरी लागुऔषध कारोबारीलाई पक्राउ गरेको छ।
गएराति १० बजे सुर्खेतको वीरेन्द्रनगर नगरपालिका-८ मा लागुऔषको कारोबार भइरहेको भन्ने सूचना प्राप्त भएपछि लागुऔषध नियन्त्रण कार्यालय सुर्खेतबाट खटिएको संयुक्त प्रहरी टोलीले हवाई फायर गरी एक जनालाई पक्राउ गरेको हो।
पक्राउ पर्नेमा सुर्खेतको चिङ्गाड गाउँपालिका-४ का ४७ वर्षीय ललित चन्द छन्।
उनलाई शंकास्पद अवस्थामा फेला पारी नियन्त्रणमा लिन खोज्दा उल्टै प्रहरीमाथि आक्रमण गर्न खोजेपछि हवाई फायर गरिएको ब्युरोले जनाएको छ।
उनको साथबाट ३७ ग्राम ७३० मिलिग्राम लागुऔषध ब्राउन सुगर बरामद गरिएको थियो।
उनीमाथि म्याद थप गरी थप अनुसन्धान अगाडि बढाइएको प्रहरीले जनाएको छ।
-1746009348.jpg)
