सुर्खेतको भेरीगंगा नगरपालिका–१२ मसिनाटोलमा छोराले आमाको हत्या गरेका छन्।
डिएसपी मोहनजंग बुढथापाका अनुसार करिब ३०–३५ वर्षका कविराम बस्नेतले आफ्नी ५० वर्षीया आमा धनिकला बस्नेतमाथि शुक्रबार बिहान करिब ७ बजे घरमै सुतिरहेको अवस्थामा फरूवाले टाउकोमा प्रहार गरेका थिए।
गम्भीर घाइते भएकी धनिकला बस्नेतलाई उपचारका लागि कर्णाली प्रदेश अस्पताल, कालागाउँ सुर्खेत पुर्याइएको थियो। तर, उपचारका क्रममा बिहान करिब ८:१५ बजे चिकित्सकले उनलाई मृत घोषणा गरेका थिए।
घटनापछि इलाका प्रहरी कार्यालय छिन्चुबाट खटिएको टोलीले फरार रहेका कविराम बस्नेतलाई छिन्चु बजार क्षेत्रबाट पक्राउ गरेको जनाएको छ। उनलाई हाल प्रहरी नियन्त्रणमा राखी थप अनुसन्धान भइरहेको प्रहरीले जनाएको छ।
प्रहरीले घटनाको विस्तृत कारणबारे अनुसन्धान भइरहेको र आवश्यक कानुनी प्रक्रिया अघि बढाइने जनाएको छ।
-1746009348.jpg)
