सुर्खेत प्रहरीले देउसी भैलोमा एक जना युवकमाथि आक्रमण गर्ने नौं जनालाई पक्राउ पछि ज्यान मार्ने उद्योग अन्तरगत मुद्दा चलाएको छ ।
कात्तिक ६ गते राति साढे १ बजेतिर वीरन्द्रनगर नगरपालिका– १० नयाँ घुर्सास्थित सार्वजनिक सडकमा देउसी भैलो खेल्ने क्रममा बाटो छेकेर ज्यान मार्ने उद्देश्य राखेर एक जना युवकमाथि नौ जना मिलेर निर्घात कुटपिट गरेका थिए।
सो आक्रमणपछि पीडित युवा चार दिन उपचारपछि डिस्चार्ज भएका थिए। आफूमाथि मध्यरातमा कुटपिट तथा आक्रमण गर्ने नौ जना विरूद्ध पीडितले प्रहरीमा पुगेर किटानी जाहेर दिएका थिए। त्यसपछि प्रहरीले कुटपिट घटनामा संलग्न नौ जनालाई आरोपितलाई पक्राउपछि प्रहरीले ज्यान मार्ने उद्योग अन्तरगत मुद्दा चलाएको हो।
सुर्खेतका प्रहरी प्रवक्ता डिएसपी मोहनजंग बुढथापाका अनुसार घटनापछि फरार रहेकामध्ये वीरन्द्रनगर–३ का १८ वर्षीय उत्सव पुन मगरलाई वीरेन्द्रनगर–१० बाट कात्तिक ८ गते पक्राउ गरिएको थियो।
उत्सव पक्राउ परेपछि २१ वर्षीय विक्रान्त गुरूङ, वीरन्द्रनगर – ९ लाटिकोइलीका हेमराज रोकाय, सोही वडाका चाहिन गुरूङ, सिमान्त पन्त, समिर खत्री, सन्देश रावल, रौनक बाह्रघरे र किरण चौधरी पक्राउ परेका थिए। उनीहरू सबैको उमेर १८ वर्ष रहेको डिएसपी बुढथापाले बताए।
-1746009348.jpg)
