ललितपुरबाट सशस्त्र प्रहरीले ५० केजीभन्दा बढी चाँदीसहित एक जनालाई नियन्त्रणमा लिएकोछ।
विगत केही वर्षदेखि चाँदीका गरगहना कारोबार गर्ने भारतको घोरसहन पूर्वी चम्पारण घर बताउने ३१ वर्षीय अभिषेख शेखलाई ललितपुर महागनरपालिका–१६ धौगलबाट नियन्त्रणमा लिइएको डिएसपी तथा सहप्रवक्ता शैलेन्द्र थापाले जानकारी दिए।
उनले भारतबाट अवैध रूपले नेपाल ल्याई विभिन्न किसिमका चाँदीका गरगहना बेचविखन गर्दै आइरहेको भन्ने सूचना सशस्त्र प्रहरी बल नेपाल इन्टेलिजेन्स ब्यूरोले दिएको थियो। सोही आधारमा सशस्त्र प्रहरी बल नेपाल नं. २१ दक्षिणकाली गण ललितपुरले नियन्त्रणमा लिएको डिएसपी थापाले बताए।
उनको साथबाट सशस्त्र प्रहरीले करिब ५० केजी ७४ ग्राम चाँदीका गहना, १२ लाख ९१ हजार ९० नेपाली रुपैयाँ तथा १ हजार २ सय ७० भारतीय रुपैयाँ, चाँदी तौल गर्ने मेसिन १ थान, इलेक्ट्रिक साइलक १ थान, आइप्याड १ थान र मोबाइल सेट १ थान समेत बरामद गरेको प्रहरीले जनाएको छ।
प्रहरीका अनुसार उनलाई आवश्यक अनुसन्धानको लागि राजस्व अनुसन्धान विभाग हरिहर भवन ललितपुरमा बुझाइएको छ।
1635339834.jpeg)
-1746009348.jpg)
