हैजा नियन्त्रणका लागि बारा र पर्सामा खोप लगाइने भएको छ।
स्वास्थ्य तथा जनसंख्या मन्त्रालयले असोज २६ गतेदेखि दुई जिल्लामा खोप अभियान सुरू गर्ने भएको हो।
अभियानमा १० लाख १८ हजार १०० मात्रा खोप लगाइने मन्त्रालयले जनाएको छ।
यसलाई ती जिल्लामा हैजाको प्रकोप फैलिएकाले रोगको दीर्घकालीन नियन्त्रण र रोकथामका लागि यो प्रतिकार्य खोप अभियान भनिएको छ।
सरकारले यो अभियानका लागि आवश्यक खोप, खोप सामग्री र सञ्चालन खर्च खोप प्रावधान सम्बन्धी अन्तर्राष्ट्रिय समन्वय समूह (आइसिजी)बाट सहयोग स्वरूप प्राप्त गरेको हो।
पर्सा जिल्लाका सबै पालिकामा असोज २६ गतेदेखि र बारा जिल्लाका ६ पालिका (कलैया उपमहानगरपालिका, जितपुर–सिमरा उपमहानगरपालिका, परवानीपुर, प्रसौनी, फेटा र विश्रामपुर गाउँपालिका) मा असोज २८ गतेदेखि खोप कार्यक्रम सुरु हुने छ।
यो खोप एक वर्ष उमेर माथिका सबै व्यक्तिलाई दिइनेछ।
-1746009348.jpg)
