ताप्लेजुङको पाथीभरा मन्दिर दर्शन गरेर फर्केका सयौं तिर्थालु पाँचथर-इलाम सिमामा रोकिएका छन्।
जिल्ला प्रहरी कार्यालय इलामले दिएको जानकारी अनुसार दसैंमा पाथीभरा दर्शन गरेर फर्केका डेढ सयभन्दा धेरै सवारी साधनका यात्रु मेची राजमार्ग बन्दले इलाम-पाॅचथर सीमा राॅके बजारमा आइतबारदेखि अलपत्र परेका छन्।
ताप्लेजुङमा रहेको शक्तिपिठ पाथीभरा दर्शनको अहिले मुख्य सिजन हो। प्रतिकूल मौसममा घर बाहिर नजान सरकारले आग्रह गरेका बेला पनि दर्शनार्थी मन्दिर गएका थिए।
मेची राजमार्गको ठाउँ ठाउँमा पहिरोले सडक अवरोध गरेपछि उनीहरू रोकिएका हुन्।
झापा- इलाम सिमाको जोरकलशदेखि माइखोला राजदुवालीसम्म मेची राजमार्गमा सवारी चल्न अवरोध छैन। तर, बिहान इलाम प्रशासनले लामो र छोटो दूरीका सवारी साधन नचलाउन सूचना गरेको छ।
अहिले माइखोलासम्म सवारी चलाउन सकिने वा नसकिने भन्नेबारे जिल्ला प्रशासन कार्यालयमा छलफल चलिरहेको प्रहरीको भनाइ छ।
-1746009348.jpg)
