कोशी प्रदेशमा अविरल वर्षासँगै आएको बाढीपहिरोमा फसेका सर्वसाधारणको सुरक्षार्थ हेलिकप्टरमार्फत उद्धार कार्य जारी छ।
प्रदेश प्रहरी कार्यालय विराटनगरका अनुसार सोमबार बिहानसम्म ५५५ जनालाई उद्धार गरिएको छ, जसमा २३ जनालाई हेलिकप्टरमार्फत उद्धार गरिएको हो।
झापाको गौरीगञ्ज गाउँपालिकामा फसेका १६ जनालाई हेलिकप्टरमार्फत उद्धार गरी सुरक्षित स्थानमा राखिएको प्रहरीले जनाएको छ।
त्यसैगरी इलामको माङसेबुङ गाउँपालिका–१ मा पहिरोमा परेर घाइते भएका ३ जनालाई उद्धार गरी धरानस्थित विपी कोइराला स्वास्थ्य विज्ञान प्रतिष्ठान पठाइएको छ।
यस्तै इलामको सन्दकपुर गाउँपालिका–४ माबुमा रहेका ४ जना घाइतेलाई उद्धार गरी सोमबार बिहान झापाको बिएण्डसी अस्पतालमा उपचारका लागि पठाइएको छ।
प्रदेश प्रहरीका अनुसार उद्धार कार्यमा नेपाल प्रहरी, सशस्त्र प्रहरी, नेपाली सेना र स्थानीय स्वयंसेवक सक्रिय छन्।
-1746009348.jpg)
